Министерката за надворешни работи на Косово, Доника Гервала изјави дека „граѓаните на Косово одлучуваат за својата иднина во ЕУ и НАТО, а не соседите“, пренесува Репортерс.
Како што наведе таа, дури 93 отсто од жителите на Косово го поддржуваат членството во НАТО и ЕУ.

„Во Косово не сакаме само да се приклучиме на Европската унија, туку да имаме најмлада популација во Европа, да ги имаме најпроевропските и најпро-НАТО луѓе во Европа. Морам да истакнам дека повеќе од 93 отсто од луѓето во Косово го поддржуваат членството во НАТО и во Европската Унија. И навистина верувам дека за својата иднина треба да одлучуваат луѓето во државата, а не соседите“, заклучи Гервала.

Taa смета дека ЕУ и НАТО мора да бидат отворени за оние кои, како што вели, делат исти вредности.

„НАТО и Европската унија мора да ги отворат вратите за оние земји кои имаат за цел и се борат за истите вредности, истите принципи како земјите од НАТО и ЕУ. Не треба да има место за оние земји како Србија кои сакаат да имаат пари од Европската унија да купуваат руско оружје и да ги поддржат руските амбиции во Европа. Но, за сите останати кои се подготвени да ја завршат својата домашна задача, конечно е време да се приклучат“, изјави Гервала за канадскиот CBC.