Кралицата Елизабета Втора е жена владетел со најдолг стаж во историјата на светот, како и најстариот жив монарх во светот, а со години се разговараше за тоа кој ќе биде нејзин наследник.
Иако во историјата на британските кралеви имало два крала Чарлс, во јавноста често може да се слушнат прашања за тоа кој ќе го наследи богатството на кралицата Елизабета Втора.
Без разлика што досега никој од кралското семејство не се огласил по ова прашање, се шпекулираше кој би можел да ја наследи.
Долго време се шпекулира дека наследник ќе биде нејзиниот најстар син Чарлс – принцот од Велс кој веќе поседува земја, недвижен имот, концесии и акции во вредност од 1,3 милијарди долари.
Тој нема „доброволно да се откаже од својата судбина“ да стане крал, но кога ќе ги преземе обврските што ги исполнила Елизабета Втора, неговиот имот ќе премине во рацете на принцот Вилијам.
Принцот Чарлс, кој моментално има 73 години, е наследникот со најдолг стаж на британскиот трон и ќе биде најстариот крал што некогаш бил крунисан.
По смртта на кралицата, Чарлс ќе ја преземе контролата врз Бакингемската палата, чија вредност, според The Wall Street Journal, е околу 1,32 милијарди долари. Тој ќе ги наследи и замокот во Виндзор кој се проценува на 661,75 милиони долари и палатата во Шкотска вредна 72 милиони. Овој имот нема да биде во приватна сопственост на Чарлс, туку ќе има право на него се додека тој ја извршува функцијата британски монарх.
Приватниот имот на кралицата, пишува Форбс, се проценува на околу петстотини милиони долари. Елизабета Втора може да ги продаде или донира своите пари и недвижен имот во секое време, а по нејзината смрт, освен ако со тестаментот не е поинаку определено, целата империја ќе му припадне на принцот Чарлс.
