Обвинителката Ленче Ристоска која неодамна доби втор мандат како јавен обвинител за врски со Европравда конечно доби канцеларија во Јавното обвинителство. Клучевите за канцеларијата и ги предаде новоименуваниот републички обвинител, Љупчо Коцевски.
-Јавниот обвинител на Република Северна Македонија Коцевски денеска се сретна и со назначениот јавен обвинител за врски на Република Северна Македонија со Европравда Ленче Ристоска.

Двајцата разговараа за тековните состојби и предизвици во работењето на канцеларијата за врски, со особен акцент на важноста на навремена и експедитивна меѓународна соработка во кривичните постапки.
Со оглед на околноста што непосредно претпоставен обвинител на обвинителот за врски е државниот обвинител, на обвинителката и беше доделена канцеларија и во Јавното обвинителство на Република Северна Македонија, соопшти Јавното обвинителство.
Ристовска со години немаше работна канцеларија во Обвинителството иако и претходно беше обвинител за врски со Европравда, а работата ја извршуваше од старото седиште на Специјалното јавно обвинителство. Два пати конкурираше за виш јавен обвинител, но не доби унапредување од Советот на јавни обвинители.
Отворено зборуваше и ја критикуваше работата на Советот на јавни обвинители и доби и дисциплинска постапка