Тоа што завчера беше комплетно договорено, денеска само се официјализираше – Манчестер сити донесе нов аргентински суперталент.

Масимо Пероне од Велез Сарсфилд, кој моментно е на јужноамериканскиот младински шампионат со Аргентина доаѓа на „Итихад“ после само една година откако во март 2022 година првпат дебитираше за Велез и даде три гола со две асистенции во 33 меча за матичниот клуб.

Аргентинецот доаѓа за вкупно 10 милиони евра вреден трансфер и е втор Аргентинец кој доаѓа во Сити, откако во јуни лани за 22 милиони евра дојде Хулиен Алварез од Ривер плејт, еден од хероите на „гаучосите“ за светската титула во Катар (четири гола на СП).