Сите знаеме колку непријатно умее да биде рибањето на шпоретите и рерната, ако маснотиите веќе се запекле. Сепак, една мајка на Фејсбук која се занимава со трикови за одржување на домаќинството, открила едноставен трик со кој рерната ќе блесне.
Имено, таа тврди дека едноставно се спроведува во два чекори:
„Користев сода бикарбона и бел оцет за да ја отстранам маснотијата, а таа мешавина ја нанесов со сунѓер. Не само што се врати сјајот на стаклото, туку и се исчисти и внатрешноста на рерната“, објаснила мајката и истакнала да не заборавите да ги исчистите и решетките, за рерната да биде како нова.
Таа за решетките препорачала да ги оставите некое време во када наполнета со топла вода во која сте ставиле таблета за машина за садови. Таа објавила и фотографија од својата чиста рерна, па може да се забележи големата разлика.
