Медиумите јавуваат дека вооружена група луѓе го убила Србинот Страхиња Дачковиќ (37) во главниот град на Камбоџа, Пном Пен.
Станува збор за маж од Брус, општина во јужниот дел на централна Србија, кој веќе извесно време живеел во странство.
Медиумите пишуваат дека убиството се случило доцна вечерта во саботата пред хотел во елитен дел од градот. Медиумите јавуваат дека пред инцидентот, очевидци виделе група во луксузен автомобил, а потоа слушнале најмалку три истрели.
Уличниот продавач на алкохол изјавил дека претходно неколку пати ја видел жртвата и дека секогаш трчал и вежбал во близина на местото на пукањето.
Тој за локалните медиуми во Камбоџа изјавил дека веднаш дошол на местото кога ги слушнал истрелите. Таму ја видел жртвата како лежи на патот, а Лексус со голема брзина се оддалечувал. Но, тој тврди дека не ги видел регистарските таблички.
На местото на настанот полицијата го пронашла само мажот кој бил застрелан. Локалната полиција потврди дека дошло до пукање и соопшти дека жртвата починала откако пристигнала во болница. Тие изјавија дека мажот се здобил со смртни повреди.
На социјалните мрежи има профили на убиениот Србин. На Инстаграм објави фотографии со различно оружје, а на една позира со 5.000 евра во рака.
Заедно со фотографијата на која позира без кошула со пиштол во рака напишал „Штрковите ќе се вратат“, алудирајќи на истоимената српска серија.
Пронајдете не на следниве мрежи:
