Во главната улога ќе ги видиме Никола Којо, Весна Чипчиќ повторно како Фрау Елза и Владимир Петровиќ, кој ќе го оживее Боба, а се појавуваат и младите Никола Брун и Гаврило Иванковиќ. Во фокусот на новиот филм ќе бидат правнуците на легендарните ликови, Никола Брун ќе биде новиот Жика, додека Гаврило Иванковиќ ќе го игра Милан. Една од главните улоги ќе ја толкува познатата манекенка и водителка со македонско потекло, Данијела Димитровска, која ќе ја има својата прва филмска улога

Во Белград, во тек е снимањето на новото продолжение на познатиот серијал „Жикина династија“ во режија на Милан Коњевиќ, а по сценарио на Милена Марковиќ. Со овие филмови израснаа бројни генерации, а на комичните ситуации од секојдневниот живот на семејството на Жика Павловиќ се смееше публиката од целиот простор на поранешна Југославија. Новиот филм ќе се вика „Враќањето на Жикина династија“, а главната улога ќе ја толкува Никола Којо, кој се враќа во ликот на Миша Павловиќ по повеќе од 30 години.

Во фокусот на новиот филм ќе бидат правнуците на легендарните ликови, Никола Брун ќе биде новиот Жика, додека Гаврило Иванковиќ ќе го игра Милан. Една од главните улоги ќе ја толкува познатата манекенка и водителка со македонско потекло, Данијела Димитровска, која ќе ја има својата прва филмска улога. Тука се и познатите актерски имиња како Срѓан Тимаров, Младен Совиљ, Јово Макшиќ, Милена Предиќ, Слободан Бода Нинковиќ и младите актерки Катарина Вељовиќ, Тамара Радовановиќ и Мина Ненадовиќ.

Синовите на Миша, кои одамна ги нема видено, доаѓаат во Србија затоа што живеат со Наташа во Москва. Но, кога ќе пристигнат, момците што ги носат имињата на своите прадедовци – Жика и Милан започнува нова, луда година, полна со смеа, авантури и со семејни вредности.

Во главните улоги ќе ги видиме и Весна Чипчиќ, повторно како Фрау Елза и Владимир Петровиќ, кој ќе го оживее Боба, а се појавуваат и младите Никола Брун и Гаврило Иванковиќ.

Актерите од старата постава, Драгомир Бојаниќ-Гидра, кој го толкуваше ликот на Жика, Марко Тодоровиќ и Јелена Жигон во улога на родителите на Марија (сопругата на синот на Жика – Боба), за жал веќе не се меѓу нас, а прерано почина и Риалда Кадриќ, која го толкуваше ликот на Марија. Сепак, продуцентите велат дека овој филм ќе им се допадне и на новите и на постарите генерации.

Јован Марковиќ, креаторот на старата серија, е активно вклучен и во продукцијата на новиот дел, како копродуцент и консултант за сценариото. Новото сценарио го напиша неговата ќерка, Милена Марковиќ.

„Емотивно е. Од една страна, многу сум среќен што продолжуваат серијата и сагата за династијата на Жика, која беше прифатена од публиката, и од младата и од старата, оттогаш до денес. Ова продолжение е практично по барање на публиката, која толку многу го посакуваше. Исто така, среќен сум што ја гледам посветената и компетентна работа на тимот што работи на ова продолжение. И јас сум малку тажен, бидејќи повеќето од главните актери од старите филмови ги нема. Влада Петровиќ го запознав по 40 години и двајцата со извесна тага евоциравме спомени дека Гидра, Марко, Јелена не се меѓу нас, а особено што Риалда, која требаше да има голема улога во ова продолжение, прерано нè напушти“, кажа Јован Марковиќ за Курир.рс.

Тој посочи и дека задржуваат одредена врска меѓу старите филмови и начинот на кој се правеле и како биле претставени ликовите што публиката ги сакаше.

„Во новиот филм, главен лик е внукот, а каков дедо – таков внук, но сега тоа е приказна со многу повеќе настани и со побрзо темпо. Мислам дека направивме органска врска меѓу расположението во старите филмови и брзината на модерниот живот“, додава Марковиќ.

Премиерата е планирана за есента 2025 година.