Новата слика на NGC 2264 од опсерваторијата на НАСА со Х-зраци Чандра открива космичко дрво формирано од голем број ѕвезди.
Овој кластер на ѕвезди, со различна возраст и големина, се наоѓа на околу 2.500 светлосни години од Земјата.
Дури се вели дека големината на некои од нив оди до седум соларни големини.
Обликот на ова космичко дрво дава илузија на новогодишна елка, а ѕвездите сјаат како украсни светилки.
За да се нагласи сличноста со дрвото, оптичките податоци од телескопот го покажуваат и зелениот гас и маглината во црвено.
Младите ѕвезди како оние во NGC 2264 се нестабилни и се подложени на силни блесоци на рендген и други видови на варијации забележани во светлината, известува НАСА.
Варијациите прикажани на оваа слика, колку и да се вештачки, ја нагласија локацијата на ѕвездите и сличноста на сликата со дрво.
Во реалноста, варијациите на ѕвездите не се синхронизираат.
Промените забележани од Чандра и другите телескопи се предизвикани од неколку различни процеси, вклучително и активности од магнетното поле.
Со програмата Чандра управува Центарот за вселенски летови Маршал на НАСА.
Во меѓувреме, центарот за опсерваторија за рендген ги контролира научните операции од Кембриџ, Масачусетс, и операциите на летот од Бурлингтон, Масачусетс.
