Израелските шпиони веруваат дека Мохамед Синвар, еден од лидерите на Хамас, кој е специјализиран за киднапирања и прекугранични упади и беше прогласен за мртов во 2014 година, всушност е сè уште жив и дека тој ги организирал нападите на Хамас на 7 октомври во јужен Израел.
Британскиот Дејли Телеграф пренесува извори блиски до израелските разузнавачи дека помладиот брат на Јахја Синвар, лидерот на Хамас во Појасот Газа и број 1 на листата на најбарани терористи во Израел, со години тајно живее во тунели под палестинската енклава.
- Чешка: Десничарите-популисти на милијардерот Бабиш ја потврдија изборната победа
- Петдневна жалост во Иран по убиството на Насрала
- Сообраќајка меѓу тинејџер со автомобил и 72 годишник со електричен тротинет
- Струмица и шест села останаа без исправна вода за пиење
- Сообраќајка на патот Тетово-Скопје, едно лице починало на лице место
- Ја убил сопругата, со недели спиел покрај нејзиното тело и ги лажел соседите дека е жива
- Насралах беше централен мотор на иранската оска на злото – порача Нетанјаху по смртта на лидерот на Хезболах и потврди оти Израел стои зад убиството
- „Пацифичка ракетна криза“: Американскиот систем „Тајфон“ нишани кон Кина од Филипините
- УЖАС: Пријавено силувано 14 годишно девојче кое се водело за исчезнато
Тие тврдат дека Мохамед Синвар бил тесно вклучен во планирањето на нападите во кои загинаа повеќе од 1.200 луѓе минатиот месец, надевајќи се дека стотиците луѓе земени како заложници ќе бидат искористени за ослободување на околу 5.000 Палестинци од израелските затвори.
- Тој беше 100 отсто јадрото на тимот што ги планираше нападите на 7 октомври – изјави за британскиот весник поранешниот шеф на одделот за борба против тероризмот на Мосад.
Изворот рече дека три или четири клучни фигури на Хамас стојат зад нападот.
- Во однос на военото раководство тој е многу важен… сигурно е дека се уште е жив – рекол изворот на Дејли Телеграф за помладиот Синвар.
Во 2011 година, се вели дека помогнал да се ослободи својот постар брат од израелски затвор во 2011 година, за време на големата размена на затвореници.
- Неговата специјалност се прекугранични упади и киднапирања со цел ослободување затвореници – изјави Ронен Соломон, независен разузнавачки аналитичар и автор на блогот Интели Тајмс.
Соломон ги следел активностите на помладиот Синвар повеќе од две децении и собирал документи, фотографии и интервјуа додека дознал повеќе за оваа мистериозна личност.
- Нивото на тајност околу Мохамед е такво што ни жителите на Појасот Газа повеќе не го препознаваат. Се движел тајно и во забранета зона поради страв од израелска ликвидација. Во текот на последните две децении тој преживеа шест обиди за атентат – изјави Соломон.
Се вели дека израелските сили ја уништиле семејната куќа на Мохамед на 24 октомври 2004 година, откако тој влегол во подземните тунели по неуспешниот обид за атентат врз него во 2003 година.
Десет години подоцна, во екот на војната меѓу Израел и Хамас во 2014 година, тој беше прогласен за мртов од палестинска екстремистичка организација.
Хамас потоа објави видео од наводно мртов Мухамед како лежи на кревет обоен со крв, но тоа беше само измама бидејќи се користеше вештачка крв.
– Лажирањето на смртта на Мохамед беше дел од мисијата да се заштити еден од „командантите во сенка“ на Хамас – рече Соломон.
Тогаш Мохамед не беше виден во јавноста, а во мај минатата година за време на интервју за Ал Џезира на арапски се појави само неговата силуета.
Тој дури и не дојде на погребот на неговиот татко во јануари 2022 година.
„Ерусалим пост“ објави дека 7-та оклопна бригада на израелските одбранбени сили (ИДФ) во петокот извршила рација во канцеларија на Мухамед и „запленила терористичка опрема и памфлети на Хамас“, но не го нашле.
Daily Telegraph/Jerusalem Post
Пронајдете не на следниве мрежи:
