“Нема да бидеме дел од оние кои гласаат како што ќе им нареди Америка – ние ќе гласаме според својата совест!“
Со овие зборови им се обратил лидерот на словенечката десница, Змаго Јелинчич Племенити на присатните на вонредната седница на словенечкиот Парламент, посветена на прашањето за ратификација на Протоколот за пристап на Северна Македонија во НАТО пактот, пренесува српски извор.
Тој остро го критикувал шефот на словенечката дипломатија, Миро Церар, обвинувајќи го дека на седницата за пристапување на Македонија кон западната воена алијанса иницирал „по наредба и диктат на Америка“.
“Додека од Италија ни се закануваат со ревизија на меѓудржавната граница и одземање на словенечка Истра господинот Церар и његовите соработници не тераат да се занимаваме со потполно небитни работи како што е влезот на некаква Северна Македонија во НАТО“, бил дециден Јелинчич.
Притоа тој потсетил дека граѓаните на Македонија на референдумот јасно кажале дека не сакаат влез во НАТО и ЕУ. “Македонците ја одбија евроатланската интеграција и порачаа дека не го прифаќаат, од надвор наметнатиот, Договор со Грците. Луѓето се свесни дека промената на името на државата е само друго име за постепено исчезнување на Македонија од политичката мапа на Балканот“, рекол Јелинчич.
Претседателот на Словенечката национална партија ги прозвал и бриселските политичари, нарекувајќи ги лицемери и послушни извршители на геостратешките интереси на САД. “Додека нас не повикува на почитување на европските вредности на демократијата, Европската Унија истите тие вредности самата ги погазува во Македонија и се става во служба на насилно ширење на НАТО на Балканот“, нагласил Јелинчич.
Своето обраќање тој го завршил со зборовите дека пратениците на Словеначката национална партија, за разлика од останатите кои гласаат по диктат на Америка, секогаш ќе гласаат според својата савест и во интерес на својот народ. “Нам совеста ни говори да ја почитуваме волјата на македонскиот народ и да не го поддржиме влезот на Северна Македонија во НАТО!“, заклучил Јелинчич.
