На Инстаграм профилите на вљубениците во здравата храна, честопати имаме прилика да видиме разни гастро специјалитети кои се украсени со необични билки, најчесто цветови.
Иако станува збор за декорација, вистината е дека овие билки можат да бидат отровни.
Откако познатата блогерка Мaри Реџинато објавила фотографија од смути напиток кој го украсила со бели цветови (не знаејќи дека билката е многу опасна за човековиот организам), ботаничарот Џејмс Вонг оставил остра порака.
“Уште еден ден, уште еден Инстаграмер објавува фотографии од отровни цветови во храната. Ова можеби не содржи глутен или млечни производи, но содржи токсичен растителен алкалоид – ликорин. Симптоми: чешање, отоци, мачнина, повраќање и грчење на мускулите”, напишал Џејмс, предупредувајќи ги луѓето да не го прават ова.
Името, цветот кој Мaри го искористила за декорација на напитокот е бел нарцис, а сите видови на овој цвет содржат ликорин кој најчесто се наоѓа во толчникот и листовите.
Вонг забележал дека освен нарцисите, многу блогери ги украсуваат своите оброци со цветови од лантана или винка.
