Унгарија веднаш ја оквалификуваше саботажата на Северен тек како терористички чин, а немањето силна реакција од страна на Германија е манифестација на недостаток на суверенитет, изјави унгарскиот премиер Виктор Орбан.
- По саботажата на Северен тек, Унгарија и Србија ја предупредија меѓународната заедница дека секоја закана за системот за снабдување со гас од Руската Федерација ќе ја разгледаат како casus belli (причина за војна на латински) – рече Орбан во интервју за Американскиот новинар Такер Карлсон објави на социјалната мрежа Х (поранешен Твитер).
РТ ги пренесува зборовите на Орбан дека „Будимпешта веднаш јасно стави до знаење дека постои уште еден гасовод – не Северен тек, туку Јужен тек, преку кој гасот се испорачува од Русија по јужниот коридор до Турција, Бугарија, Србија, Унгарија“.
- Заедно со премиерот на Србија напоменавме дека ако некој сака да го направи истото со јужниот коридор како што беше направено со северниот, тогаш тоа ќе го сметаме за причина за војна, за терористички напад и веднаш ќе одговориме – изјави унгарскиот премиер.
РТ пренесува дека Орбан повикал на откажување од ваквите планови, без да открие на кого точно се мисли, но наведува дека тоа не е Руската Федерација.
- Можеби тоа го можете со Германците, но не можете со овој регион – рече Орбан.
Според него, „сè беше во ред пред воведувањето санкции против Русија и поткопувањето на Северен тек и истакна дека Будимпешта сега бара нови рути за снабдување со гас, пред сè, во овој поглед, Турски тек, преку кој руски гас се извезува во Европа се разгледува.вклучувајќи ја и Унгарија“.
Пронајдете не на следниве мрежи:
