Пејџеpите користени во нападите во Либан беа произведени од компанија со седиште во Будимпешта која беше овластена да ја користи трговската марка на тајванскиот Gold Apollo.

Пејџеpите се произведени од BAC Consulting KFT, со седиште во унгарската престолнина, соопшти Gold Apollo, истакнувајќи дека BAC е „исклучиво одговорна за производството“.

Експертите веруваат дека експлозивен материјал бил поставен во пејџерите пред да бидат испратени и употребени.

Претседателот на Gold Apollo, Хсу Чинг-куанг, денеска им изјави на новинарите дека неговата компанија имала договор за авторизација со BAC во последните три години.

Најмалку девет лица загинaа, а 2.800 се повредени кога пејџеpите користени од членовите на Хезболах експлодираа истовремено во Либан.