Пожари беснеат во Грција, итна евакуација, чадот го покри небото и над Халкидики

Жителите во Генимата и Канала во Ано Лиосија, во северозападниот дел на Атина, се повикани да се евакуираат во Лиосија поради шумските пожари во областа, јавува Катимерини

Во блиското место Фили пламенот веќе проголта неколку згради.

Властите, исто така, наредија главната депонија во главниот град Фили да биде затворена до натамошно известување.Известувања за евакуација се испратени и до жителите во областа Лофос Кирилу во Мандра, Атика; Гратини во Комотини; Свети Космас во Кавала; и Макри, Дикела, Аја Параскеви и Месимврија во Александрополис.

Досега над 40.000 хектари се уништени во шумските пожари во изминативе три дена, според извештајот на Националната опсерваторија на Атина. Врз основа на прелиминарната анализа на сателитски податоци од метеоролошката служба на опсерваторијата Метео, уништени се 38.000 хектари во Еврос и 1.200 хектари во Родопи, северна Грција; 800 хектари на островот Китнос и 500 хектари во Евија.
На социјалните мрежи се објавуваат фотографии на кои се гледа дека густиот чад од пожарите го покрива и небото над Халкидики, Кавала, Тасос.

Пронајдете не на следниве мрежи:©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.