Српските јавни личности се простуваат од Дијана Милојковиќ која почина вчера после долга борба со тешка болест.
Дијана е родена во 1987 година во Чуприја, а нејзината кариера ја одбележила победата на изборот Мис Србија 2009 година. На натпреварот во Бејрут во 2014 година станала Мис Европа, како и Мис Спорт, па продолжила да работи како модел. Завршила два факултети, Фармацевтски и Факултет за менаџмент, за кој завршила и мастер студии.
По смртта на Дијана, неутешни се нејзините блиски. Таа се борела како лавица и ги мотивирала другите жени да одат на редовни прегледи.
Пејачките Александра Пријовиќ и Радмила Манолјовиќ преку пораки и фотографии со мисицата се простија од нејзе.
-Си замина мила моја… фала за секој убав збор и насмевка… те сакам, засекогаш…, напиша Пријовиќ.
-Љубов, храброст, верба, надеж, убавина, добрина, младост, се` тоа беше ти и ќе останеш засекогаш. Ангел и лавица наша. Инспирација, херој, пример, напиша Рада.
Од неа се прости и водителката Душица Јаковљевиќ. -Некогаш небото е баш неправедно… Почивај во мир…
Во јавноста, Дијана станала позната како девојка на Стефан Кариќ, кој ѝ бил најголема поддршка за време на долгата и тешка болест. Кога ја изгубила косата поради хемотерапија и тој се ишишал заедно со неа. Тој го истетовирал нејзиниот лик на своето тело, но подоцна раскинале.
Стефан вчера го сподели ова претажно видео.
Пронајдете не на следниве мрежи: ©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.