Постар пациент во Луизијана е во „критична состојба“ поради инфекција од птичји грип, објавија вчера американските власти.Станува збор за прв тежок случај на птичји грип кај пациент во САД, што предизвика страв од можна појава на пандемија, пренесува Франс прес.Со новиот случај, вкупниот број на заразени во Америка во сегашната епидемија се искачи на 61.Другите пациенти имале благи симптоми и закрепнале дома.Тежината на случајот во Луизијана ги зголеми стравувањата од ширење на птичји грип, со оглед на сличните епидемии низ светот.Минатиот месец, тинејџер во Канада исто така беше хоспитализиран со тешка форма на инфекција.Американскиот центар за контрола и превенција на болести (ЦДЦ) соопшти дека пациентот од Луизијана бил изложен на болни и мртви птици во дворот.„Пациентот има тешка респираторна болест поврзана со инфекција со Х5Н1 и моментално е хоспитализиран во критична состојба“, изјавија за AFP здравствените власти во Луизијана, додавајќи дека пациентот е на возраст над 65 години со веќе постоечки здравствени проблеми.„Во текот на повеќе од 20 години глобално искуство со вирусот, инфекцијата со H5 претходно била поврзана со тешка болест во други земји, вклучително и болест која резултирала со смрт до 50 отсто од случаите. Можноста вирусот да предизвика тешка болест кај луѓето покажува колку е важно да се има заеднички одговор на американската влада“, им рече на новинарите претставникот на ЦДЦ Деметри Даскалакис.Инфекцијата кај тешко болен пациент е потврдена минатиот петок, соопшти ЦДЦ.Во неколку случаи на птичји грип во САД, не е утврдено дека инфекцијата потекнува од животни, вклучително и кај едно лице во Делавер, според Центрите за контрола и превенција на болести.Сепак, здравствените власти велат дека сè уште нема доволно докази за пренесување од човек на човек и дека севкупниот ризик за населението е низок.Во меѓувреме, во Калифорнија е прогласена вонредна состојба поради вирусот Х5Н1 кој се рашири меѓу кравите, откако птичјиот грип зарази десетици фарма работници оваа година.Во таа држава, главниот производител на млеко во САД, од крајот на август, околу 60 отсто од вкупниот број стада се позитивни на вирусот, пренесува Ројтерс.Тековната појава на птичји грип првично беше пријавена во март, кај кравите.