Шпанскиот првак Реал Мадрид ја намали предноста на Барселона на осум разлика откако вечерва за едно полувреме го здроби Елче, за да триумфира на крајот со 4-0 во мечот од 21-то коло кое викендов „кралевите“ не го играа поради настапот на Светското клупско првенство кое петти пат го освоија.

Карим Бензема со два пенали во 31-та и 45-та минута ја завери победата на Реал Мадрид, откако после само осум минути Марко Асенсио ја најави со погодокот за водство, a Лука Модриќ со погодок во 80-та само стави печат на убедливата победа.

Реал дојде до 15-та сезонска победа и сега имаат 48 бода на контото. Барселона со 56 бода е лидер после 21 рунда во Ла Лига.

Елче остана последен само со девет бода и едвај една победа досега во сезонава.