Ако Русија продолжи да го зголемува производството на оружје и да напредува технолошки со помош на своите сојузници, војната би можела да се прошири надвор од источните и јужните региони на Украина, изјави генерал-полковник Сергеј Најев.
- Се подготвуваме за тоа. Градиме одбрана, поставуваме мини и ги обучуваме нашите сили – изјави генералот кој е одговорен за одбраната на северната граница на Украина.
И покрај почетните успеси на Украина во спречувањето на целосен пробив, контраофанзивата започната пред пет месеци донесе минимална добивка.
Оваа инерција ја нагласува забележливата промена во природата на војната.
Генерал-полковник Најев отворено призна дека тековната војна сега во суштина стана војна водена од ресурси.
Најев истакна дека Русија ги обезбедува своите ресурси преку сојузи со, како што рече, „оската на злото“, која ги вклучува Северна Кореја и Иран.
Спротивно на тоа, Украина се потпира на доброволна поддршка од своите меѓународни партнери и секое намалување на помошта од Западот негативно влијае на ситуацијата на линијата на фронтот.
- Мора да се сфати дека намалувањето на помошта навистина ќе ги погоди нашите одбранбени капацитети. Но, ќе се бориме со тоа што го имаме – додаде тој.
Најев посочи дека фокусот во оваа војна е префрлен од чиста количина кон стратешка подготвеност.
- Технологијата е критична. Онаму каде што според старите советски технологии требаше да се потрошат 100 гранати, сега со западните технологии е многу помалку, се мери со бројки од десет или помалку – технологијата секогаш ги надминува бројките – рече Најев.
– И уште еднаш ќе нагласам дека оваа помош ни е многу, многу важна – заклучи тој.Од почетокот на војната во Украина, Москва обезбеди помош од Иран со купување на беспилотни летала „Шахед“.
Русија редовно ги користи овие беспилотни летала за да ја нападне воената и цивилната инфраструктура во Украина.
Иран, пак, учествуваше во изградбата на фабрика во Русија за производство на Шахед, која треба да биде завршена до крајот на следната година. Русија има за цел да произведува 6.000 беспилотни летала годишно до 2025 година.
Што се однесува до Северна Кореја, неодамнешните билатерални разговори резултираа со обезбедување на проширен договор за соработка меѓу двете земји.
Поточно, Северна Кореја наводно и испорачала повеќе од милион артилериски гранати на Русија од август оваа година.
Пронајдете не на следниве мрежи:
