Русија наводно ги преселила противвоздушните системи С-400 од балтичкиот брег во Калининград на фронтот во Украина.
Според тврдењата на британското Министерство за одбрана, овој потег е преземен за да се компензираат загубите на руските системи за противвоздушна одбрана во војната во Украина.
„Вонредните движења на рускиот воздушен сообраќај до ноември 2023 година сугерираат дека Русија можеби ги преселила стратешките системи за противвоздушна одбрана од својата енклава на балтичкиот брег, Калининград, за да ги компензира неодамнешните загуби на украинскиот фронт“, соопшти британското Министерство.
Според британските тврдења, прераспоредувањето на С-400 од Калининград, кој граничи со земјите-членки на НАТО од три страни, укажува на „преоптоварувањето“ што војната го предизвика за некои од клучните руски способности.
Според извештајот на американскиот тинк-тенк „Институт за проучување на војната“, Кремљ ја зајакнува и противвоздушната одбрана над Централниот федерален округ.
Пронајдете не на следниве мрежи:
