Русија претрпе значителна загуба на воена моќ, вклучително и поголемиот дел од нејзината најсовремена опрема, Украина е во средина на модернизација, а Кина значително ги зголемува воените трошоци, се вели во годишниот извештај на Меѓународниот институт за стратешки Студии (IISS).
- Трамп повторно со низа навреди за Камала Харис: Ја нарече „ментално xендикепиpана„
- Црна Гора оствари буџетски суфицит од 93,7 милиони евра!
- Курсна листа на НБРМ: Ова е денешната вредност на валутите
- Битиќи: Над 75% од граѓаните се за членство во ЕУ, власта да каже која е алтернативата
- Невреме со силен ветер и грмотевици
Денешното објавување на Извештајот за воениот биланс на Институтот за 2023 година доаѓа речиси една година откако започна руската инвазија на Украина на 24 февруари 2022 година.
За руската армија, човечките загуби во првите фази од инвазијата беа компензирани со мобилизација, но тоа резултираше со прилив на помалку искусни војници, се подвлекува во извештајот.
Институтот забележува промена во составот на руската воена опрема: речиси половина од нејзините тенкови Т-72Б3 и Т-72Б3М и многу Т-80 беа изгубени, па руската армија мораше да ги замени тие загуби со постара опрема.
Според извештајот, Русија изгубила шест до осум отсто од своите тактички борбени авиони, но загубите на некои видови достигнуваат од десет до 15 отсто.
Украина имаше помалку борбени авиони, но претрпе пропорционално поголеми загуби од Русија, а Институтот наведува дека Киев изгубил околу половина од својот инвентар на тактички борбени авиони.
Бидејќи Украина во голема мера ги искористи залихите на оружје од советската ера, снабдувањето со копнено оружје од Запад носи промени и ја зголемува способноста на нејзината војска.
Забележано е дека Украина има зголемен прилив на тенкови од советската ера, испорачани од источноевропските земји кои се свртуваат кон посовремена опрема.
Околу 20 земји најавија тековно или долгорочно зголемување на трошоците за одбрана, додека НАТО, во кој Шведска и Финска сакаат да се приклучат, повторно е зајакнат.
Во исто време, модернизацијата на кинеската војска е „главна област на загриженост“ за САД, се наведува во извештајот.
Пронајдете не на следниве мрежи:
