Поради отсуство на сведоците, се одложи денешното рочиште на судењето за сообраќајната несреќа кај мостот „Гоце Делчев“ во Скопје, во која загина пешак. Сведоците се очекуваше денес да опишат како кумановката Гордана Филиповиќ го прегази Слободан Ангеловски.
Иако адвокатите на оштетениот бараа рочиштето да се одржи и да продолжи со изведување други докази, тоа за одбраната не беше прифатливо.
Судот закажа ново рочиште за кое рече дека ќе се обиде да ги обезбеди сведоците, а ако и тогаш не успее, ќе се продолжи со другите докази.
Во јануари минатата година кумановката Филиповска, управувајќи „бмв х5“, го усмрти Ангеловски кај мостот „Гоце Делчев“, а на почетокот на судењето минатиот месец рече дека не чувствува вина. Нејзиниот адвокат најави дека ќе докаже оти најголем придонес за несреќата има покојниот, а Обвинителството, пак, е децидно дека ќе докаже оти вината е кај обвинетата.
Филиповиќ е мајка на кумановката Јелена, која пред три години на 17-годишна возраст загина во сообраќајна несреќа. Возачот што ја прегази доби 7,5 години затвор.
