Сигурно ви се случило да се штрекнете кога заспивате во подлабок сон. Можеби и сте се запрашале зошто се случува овој феномен? Одговорот на ова прашање го појаснуваме во прилог.
Штрекање или затресување кое го доживувате во текот на заспивањето е состојба во која им се случила на повеќе од 70% од луѓето. Лекарот Каран Рај истакнал дека станува збор за човечка варијанта на „автоматско спасување“.
„Хипнички тремор, познат како хипнагогичен трепет или почеток на сонот е несвесна и ненамерна контракција на мускулите. Се чувствува како тресење на мускулатурата“ – додал лекарот.
Тој истакнал дека карактеристиките околу спиењето на нашите предци може да имаат долгорочно влијание врз нашите моментални навики за спиење. Додал дека е можно да станува збор за еволуциски момент, односно хипничкиот тремор да е последица од минатото кога луѓето спиеле на дрва па тој тремор и згрчување на мускулатурата ги спречувал од паѓање.
Всушност, не знаеме зошто овој феномен се случува кога заспиваме, но постои таа интересна теорија. Некои веруваат дека тоа е нуспојава на еволуцијата, а постојат докази и дека стресот, кофеинот или траума на мускулатурата (која се случува и со спортување и вежбање) може да го интензивираат таквиот тремор.
Сепак нема причина за грижа од оваа појава бидејќи таа се јавува и кај потполно здрави луѓе и не се поврзува со некое заболување или состојба на телото.
