Сакаме да се дознае вистината и да го обелиме образот на чесните луѓе кои чесно работат на Клиниката за онкологија, порачаа активистите кои секојдневно протестираат за решавање на случајот со цитостатици на онкологија. Онколошки пациенти гостуваа во Топ Тема на Телма.
Нема столчиња, нема услови каде да се седне. Искрено ми смета кога вработените викаат по пациентите бидејќи немаат сила да влезат кај докоторот и да продолжат со хемотерапија, вели Анжелика, активистка и онколошки пациент.
Онколошките пациенти инстистираат Обвинителството да прифати четворица онколошки пациенти да бидат постојано информирани за текот на истрагата.
Д-р Милан Ристовски, онколог и поранешен вработен во Клиниката за онкологија, смета дека треба прво да се почека комплетирањето на истрагата затоа што во моментов располагаме со многу малку информации.
Марјановиќ, пак, тврди дека пациентите кои со години се лекуваат на клиниката точно знаат кога и кои лекови недостасувале. Според д-р Ристовски ваквиот начин на издавање на терапија создавал простор да се бараат врски или да се купуваат скапи лекови.
Пронајдете не на следниве мрежи:
