Силно невреме проследено со пороен дожд и силен ветер го зафати Преспанскиот регион, информираат од Центарот за управување со кризи. Погодени се селото и автокампот Крани, како и Претор и Наколец, додаваат од таму.
-Од невремето има паднати дрвја, бандери и во прекин е електричната енергија. Во автокампот има паднати дрвја врз камп приколки и истите се оштетени. Луѓето кои престојувале во нив се згрижени кај соседите и нема повредени- се наведува во соопштението.

Од невремето се зафатени и селата Долно Дупени, Сливница и Љубојно. Во село Љубојно има паднати дрвја од кои има оштетени куќа и автомобил, а во село Наколец паднато дрво го препречило локалниот селски пат.