Русинката Наталија Фактулина е сопственичка на агенција за посредување во склушување бракови. Преку неа еден или повеќе мажи од Србија секој месец добиваат Русинка за сопруга. Ги мажи своите сонароднички ширум Србија и, како што вели, има голем удел во порастот на наталитетот во Србија, бидејќи секоја од нив раѓа повеќе деца- пишува Трлеграф.рс.

Наталија Фактулина е мажена за Србин, кој го запознала преку нејзината агенција додека работела во Русија.

– Договарам бракови меѓу дами од Русија и мажи од Србија. Во Русија има премногу жени и затоа решив да ги поврзам со мажи од странство. Во Русија сега е нестабилно, а помал е и бројот на мажи. Има многу добри, но се помалку и помалку. И тие имаат повеќе избор, дури и ако имаат повеќе пари, тогаш имаат и љубовници. Имаат многу избор и многумина не сакаат ни да се венчаат затоа што можат да менуваат партнери. Многу е тешко таму да најде сродна душа – вели Наталија.

Кога избира маж за Русинка, истакнува дека таа пред се гледа на неговите карактеристики.

– Многу ми е важно што сака. На пример, ми се јавува човек на 60 или 70 години и ми вели дека му треба млада жена да му роди дете и дека ќе и остави пензија. Какво дете на таа возраст?! Жената не гледа во пензијата, не ја интересира. Таа го гледа мажот како маж. Ако е добар со неа, таа ќе ја напушти државата и ќе се пресели во Србија – вели Наталија.

Нејзината препорака е маж од Србија да помине најмногу два месеци во комуникација со Русинка и не повеќе од тоа!

-Ако дојде жена во Србија, таа доаѓа директно кај маж, тој ја чека на аеродром. Пред да пристигнат, комуницираат со СМС, таа знае каде доаѓа. Имаме жени кои веднаш се преселиле во Србија. Препорачувам да комуницираат еден месец, плафон од два. Да не биде предолго, да речеме шест месеци! За што треба да комуницираат шест месеци? За што имаат да зборуваат пола година? – вели Наталија.

Таа вели дека Русинките ги бараат основните работи кај Србите – да имаат гнездо каде што ќе основаат семејство, своја куќа, посебен кат или стан.

– Важно е какви услови има човекот за живот и дали може да го издржува семејството. Нашите жени доаѓаат во непозната средина, и треба време да го научат јазикот и да најдат работа, ако забремени нема што да прави. Полека на почетокот човекот треба да биде свесен дека мора да го издржува семејството и Србите се подготвени да го направат тоа – вели Наталија.

Посочува и дека годините се многу важни, но дека најмногу работи со мажи во 30-тите години. Сепак, има и помлади како и постари.

– Возраста е важна, има случаи на оние кои бараат да имаат дете во 60-тите и 70-тите години. За моите девојки, работам со мажи во нивните 30-ти. Има и помлади, но важно ми е да се доволно зрели за семејство и да имаат што да го издржуваат! – вели Наталија.

Како што вели, секој месец има по еден или два брака! Сепак, има и разводи, но многу малку.

– За четири години имаше неколку разводи и тоа само затоа што се мешаа родителите. Затоа барам маж кој живее одвоено од родителите. Затоа што кога ќе се случи тепачка, родителите се на страната на тој човек. А таа е сама, нема никој овде. Затоа е многу важно да живеат одвоено. Еве една девојка се разведе и јас веднаш ја оженив по втор пат. Сега живее во Белград – вели Наталија.

Посочува дека работи со цела Србија, но дека од градот ја контактираат повеќе мажи. Како што вели, Русинките ги сакаат мажите затоа што се многу добри татковци.