Вести

Средба на Пендаровски со Лео Докерти, министер за Европа на Обединетото Кралство

Напишано од Леонардо на

Повеќе во Вести:

Претседателот Стево Пендаровски денеска оствари средба со Лео Докерти, министер за Европа на Обединетото Кралство на Велика Британија и Северна Ирска, кој престојува во посета на Република Северна Македонија, на која, како што информираат било разговарано за развојот на севкупните односи меѓу двете држави, како и за актуелните состојби во поширокиот регион.

На средбата, како што информираат од Кабинетот на Претседателот, Пендаровски посочил дека Република Северна Македонија придава големо значење на развојот на односите и соработката со Обединетото Кралство, вклучувајќи ги силните партнерски односи во НАТО, во време кога се соочуваме со глобални предизвици.

Пендаровски, исто така, ја истакнал важноста на севкупната британска поддршка за реформските процеси во нашата држава, во функција на аспирациите за членство во Европската Унија.

На средбата, како што информираат, се разговарало и за влијанието на руската инвазија врз Украина по стабилноста и безбедноста на европскиот континент.

Пронајдете не на следниве мрежи:©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.