Казната не е единственото нешто што му било досудено на Трамп

Поранешен претседател на САД Доналд Трамп мора да плати речиси 355 милиони долари како пресуда за измама. На Трамп, исто така, му е забрането да работи во Њујорк во траење од три години, а неговите синови Ерик и Доналд Џуниор добија забрана за водење бизнис во Њујорк на две години.

Потсетуваме дека Трамп и неговите двајца возрасни синови и Организацијата Трамп се обвинети дека ја зголемиле вредноста на имотот – кој исто така вклучува имоти како кулата на Трамп и разни одморалишта за голф – до износ од 2 милијарди долари за да можат да добијат поповолни каматните стапки за заеми.

Судијата сега одлучи дека Трамп и неговата организација треба да платат 354.868.768 долари. Синовите на Трамп ќе треба да платат по 4 милиони долари.

Да потсетиме, граѓанскиот процес за овој случај заврши пред околу еден месец, но конечната одлука беше донесена денеска.

Судијата веќе откри дека Трамп, неговите двајца возрасни синови и директорите на Организацијата Трамп со измама ги „зголемиле“ финансиските извештаи дадени на банките и осигурителите за да добијат подобри зделки и заеми.

Поранешниот претседател, неговите двајца возрасни синови – Доналд Џуниор и Ерик – и пошироката организација Трамп се обвинети дека масовно ја зголемиле вредноста на нивните средства за повеќе од две милијарди долари за да добијат поповолни заеми.

Судијата во случајот Артур Енгорон веќе во септември пресуди дека Трамп извршил деловна измама и постојано погрешно го прикажувал своето богатство во износ од милиони долари.