Силите за воздушна одбрана синоќа ги уништија сите ракети кои руските војници ги користеа за напад на Киев.

„Уште еден ракетен напад врз мирните градови на Украина и особено Киев! Уште еден доказ за целиот цивилизиран свет денеска, на Денот на сеќавањето и помирувањето, дека злото не исчезнало! Фашистите на нашето време – Русите – продолжуваат да убиваат цивили“, напиша Серхи Попко, шеф на градската воена управа на Киев, пренесе „Укрингформ“.

Според него, непријателот користел крстосувачки ракети Kh-101/Kh-555/Kh-55 од стратешките бомбардери Ту-95МС за да го нападне главниот град.

„Дојдоа од различни страни. Воздушната тревога во Киев траеше повеќе од три часа. Сите воздушни цели во областа на главниот град се уништени со сили и средства за воздушна одбрана“, нагласи Попко.

Тој додаде дека, според прелиминарните податоци, нема жртви или штети во главниот град и им се заблагодари на силите за противвоздушна одбрана за одличната работа, истакнувајќи дека точниот број и типот на ракетите ќе го известат воздухопловните сили на вооружените сили на Украина.

„Како што е соопштено, синоќа руските агресори лансирале крстосувачки ракети, а воздушна тревога е прогласена низ цела Украина“, пишува медиумот.