ФРАНЦИЈА има намера да го зајакне своето воено присуство во Источна Европа во рамките на НАТО поради интензивирањето на борбените операции во Украина, изјави министерот за одбрана на оваа земја Себастиен Лекорни.
Со оглед на ситуацијата на источното крило на НАТО поради борбите што Русија ги води во Украина, претседателот на Републиката донесе одлука да ја зајакне нашата одбранбена позиција во Источна Европа со испраќање бригада оклопни транспортери и тенкови во Романија, рече Лекорни за време на седница на Комитетот за надворешни работи.одбрана и вооружени сили на францускиот Сенат.
Тој додаде дека Франција ќе испрати дополнителни ловци Рафал во Литванија, а војници во Естонија.
Според него, овие планови се очекува да завршат до крајот на октомври-почеток на ноември.
Летово францускиот претседател Емануел Макрон изјави дека француската армија ќе формира нова бригада на територијата на земјата, која доколку има потреба итно ќе може да замине во Романија.
Лидерите на НАТО договорија план за значително зголемување на силите на Алијансата во источниот правец до 2023 година во контекст на кризата во Украина.
НАТО објави дека планира да го зголеми бројот на сили за висока готовност на повеќе од 300.000 на источното крило во блиска иднина, да го зголеми составот на борбените групи на ниво на бригада и да создаде магацини со оружје, опрема и муниција во регионот за „ репозиционирање“.
Покрај тоа, земјите од Алијансата ветија дека ќе ги зголемат трошоците за одбрана. Американскиот претседател Џозеф Бајден, од своја страна, изјави дека САД имаат намера да формираат постојан штаб на петтиот армиски корпус на САД во Европа во Полска, како и дека САД и НАТО имаат намера да ги зајакнат своите сили долж целото источно крило.
Покрај тоа, според неговите зборови, САД имаат намера да обезбедат распоредување на дополнителна бригада во Романија на ротациона основа со неколку илјади војници.
Пронајдете не на следниве мрежи:
