Додека низ светот се уште се шпекулира за причините за падот на авионот во кој се наоѓал Евгениј Пригожин, се очекува руското истражно биро во одреден момент да ги открие причините за настанот. Во меѓувреме, се појави вест дека местото на падот на авионот е избришано.
Си-Ен-Ен јави дека локацијата е израмнета со багери.
- Местото на несреќата беше целосно срамнето со булдожери, како авионот никогаш да не се урнал – објави новинарот Метју Шанс, кој моментално се наоѓа во Русија.
Како што покажуваат видеата од местото на настанот, на едно место на голема чиста површина каде до пред некој ден се собираа остатоците од кобниот авион, останал само камен со цвеќиња.
Авионот падна на 23 август, а кога екипажот на Си-Ен-Ен пристигна на местото во понеделникот наутро, сите делови од авионот веќе беа отстранети.
На теренот кој го израмнија багерите, имаше само мал импровизиран споменик со цвеќиња и амблемот на групата Вагнер.
Пронајдете не на следниве мрежи:
