Иранскиот амбасадор во Либан, Мојтаба Амани, го загубил едното око, а другото е тешко повредено кога неговиот пејџер што го носел во вторникот експлодирал, пишува „Њујорк тајмс“, а пренесува „ Тајмс оф Израел“ .Припадниците на Иранската исламската револуционерна гарда изјавија за американскиот дневен весник дека повредите на Амани се посериозни отколку што првично беше објавено и дека тој ќе биде однесен на лекување во Техеран.На видеото кое се појави на социјалните мрежи се гледа Амани на улица по нападот, за кој многумина веруваат дека бил оркестриран од израелската разузнавачка служба Мосад, со крв на предниот дел од кошулата. Во експлозијата се повредени и двајца негови телохранители.Саудискиот телевизиски канал Ал-Хадат во вторникот, цитирајќи ја амбасадата на Техеран во Бејрут, објави дека Амани е во „добра општа состојба“ и дека неговите повреди биле само површни, што се покажало дека е далеку од вистинската состојба на работите.Стотици членови на милитантната група Хезболах поддржана од Иран беа сериозно повредени во речиси истовремените експлозии на илјадници сирени низ Либан и Сирија во вторникот. Најмалку 12 лица загинаа, меѓу кои две деца, а илјадници луѓе беа повредени.Министерот за здравство на Либан, Фирас Абијад, ги посети жртвите во неколку болници и рече дека ранетите најмногу се здобиле со повреди на очите и другите делови од лицето, рацете и стомакот. Се чини дека многу од жртвите имале пејџери во рацете и џебовите во моментот на експлозијата.Еден либански лекар изјавил дека повеќето од тешко повредените имаат сериозни повреди на очите и дека е неопходно да се направат многу ампутации на раката, а хирурзите цела ноќ имале полни раце работа, што продолжило и во средата.Елиас Варак, офталмолог во Универзитетската болница Монт Либан во Бејрут, изјави за Би-Би-Си дека вторникот попладне било како „кошмар“ и дека морал да отстрани повеќе очи отколку во целата негова 25-годишна кариера.„Беше многу тешко. Повеќето од пациентите беа млади мажи во дваесеттите години и во некои случаи морав да ги отстранам двете очи“, рече Варак.Тој ја напушти операционата сала рано наутро по локално време и повторно се врати три часа подоцна додека нова група пациенти чекаше операција.Саудискиот телевизиски канал Ал-Хадат во вторникот вечерта објави дека стотици луѓе биле заслепени од експлозиите на пејџерите, како што објави израелскиот дневен весник Хаарец.