Јапонската диета со банани не е комплицирана, евтина е, а во зависност од вашата тежина, може да ви помогне да изгубите два до десет килограми за помалку од две недели. Ова можеби не звучи како голема гаранција, но сите се повикуваат на искуството на креаторите на оваа диета.
Јапонска диета со банани со која може да изгубите дури 10 килограми за две недели
Имено, Сумико Ватанабе, фармацевтка од Осака, го смислила овој едноставен план на исхрана за да му помогне на својот сопруг да го забрза метаболизмот и да се избори со прекумерната тежина. Наводно, тој изгубил дури 17 килограми за само неколку недели.
Правилата за овој начин на исхрана се многу едноставни.
За појадок треба да јадете банани со 1-2 чаши вода на собна температура. Може да јадете повеќе од една банана, но не претерувајте ако една ви е доволно. Јадете ги бананите свежи, без готвење, замрзнување и додавање јогурт или мусли.
Водата што ја пиете мора да биде на собна температура и не смее да биде студена.
Што се однесува до другите оброци, нема специфични препораки за тоа што треба да јадете за ручек или вечера, нема броење калории и практично нема забранета храна. Важно е само да јадете помали порции и никогаш да не се прејадувате. Престанете кога ви е најслатко и обидете се да се држите до здравата храна.
Ќе мора да се откажете од десертите, а не се препорачуваат ниту алкохолни пијалаци, сокови и кафе. Ако навистина чувствувате потреба за слатки, по 15 часот можете да јадете еден ред чоколадо или некое овошје.
Не јадете по 20 часот, но би било идеално да ги завршите оброците до 18 часот. Диетата се држи 7 или 14 дена.
