Ќе се гради нова нуклеарка Кршко 2: Словенија и Хрватска заинтересирани за соработка!
Словенија и Хрватска се подготвени да учествуваат во евентуалната изградба на нуклеарната централа Кршко 2 (НЕК 2), соопштија официјални лица од двете држави.
Словенија и Хрватска веќе учествуваа во изградбата на нуклеарната централа Кршко која е во половична сопственост на енергетските компании на двете држави, а пораките на словенечките министри и државни службеници дека Словенија има намера да изгради „НЕК 2“ се прифатливи за хрватската страна.
Хрватскиот министер за енергетика, Томислав Чориќ, рече дека Хрватска е заинтересирана да добие стабилен и релативно голем извор на електрична енергија од вториот блок на нуклеарната централа Кршко.
Ако Словенија реши да изгради втор блок и да им понуди на потенцијалните партнери удел во финансирањето на овој скап проект, мислам дека Хрватска треба да размисли за долгорочен и стабилен извор на електрична енергија“, рече министерот Чориќ.
Ко-сопственичкиот однос во нуклеарната централа Кршко меѓу Словенија и Хрватска не помина без несогласувања последниве години, а прашањето за складирање на отпадот, што исто така претставува проблем во односите со Босна и Херцеговина, во моментов е нерешено.
Во овој поглед, хрватскиот министер Чориќ повтори дека словенечката понуда за заедничко складиште во Врбина не е прифатлива за Хрватска од веќе познати причини. Главната работа е дека Хрватска не би можела да го чува целиот преостанат радиоактивен отпад таму, пренесува порталот „Индикатор“.
Во моментов Хрватска произведува околу 60 проценти од сопствената електрична енергија.
Пронајдете не на следниве мрежи:
