Главното јадро на руската паравоена формација Вагнер останува на територијата на Белорусија, изјави денеска белорускиот претседател Александар Лукашенко.
- Вагнер живееше, Вагнер живее, а Вагнер ќе живее во Белорусија, без разлика што некој сака или не сака. Заедно со основачот на Вагнер, Евгениј Пригожин, создадовме систем за тоа како Вагнер ќе функционира овде– рече Лукашенко, а пренесе ТАС.
Тој посочи дека наводите за демонтирање на логорите Вагнер во близина на градот Осиповичи во регионот Моиливка не даваат вистинска слика за позицијата на групата во Белорусија.
- Јадрото на групата останува тука, некои заминаа на одмор, а некои решија да се населат во предградијата. За неколку дена, сите ќе бидат повторно таму, сите 10.000 луѓе– рече Лукашенко.
Тој истакна дека Пригожин не побарал од него безбедносни гаранции по бунтот на групата во јуни оваа година и додаде дека со него разговарал двапати, првиот пат веднаш по бунтот.
- Му реков: ќе се бориш сам и ќе умреш? Во тој случај ќе ти испратам јаже и сапун, а тој рече дека тоа не го сака и дека ќе умре херој – рече Лукашенко.
Белорускиот претседател изјави дека неговиот руски колега Владимир Путин „нема апсолутно никаква врска“ со падот на авионот со Пригожин.
Не можам да кажам кој го направи тоа. Путин е претпазлива, многу мирна, па дури и бавна личност, тој одлучува за други, посложени прашања, па не можам да замислам дека го направил тоа – рече Лукашенко.
Да потсетиме, шефот на платеничката група Вагнер Евгениј Пригожин беше убиен во средата. Авионот во кој се наоѓал се урнал во регионот Твер додека летал меѓу Москва и Санкт Петербург. На снимката објавена на интернет очигледно се гледа како малиот млаз повлекува чад пред да удри во земјата и да се запали.
Водечкиот истражувачки новинар за руски прашања, Христо Грозев, пред само 10 дена даде изјава во која прецизираше дека во рок од шест месеци или Пригожин ќе умре или ќе се случи нов државен удар.
Медиумите поврзани со Вагнер побрзаа да сугерираат дека руски противвоздушен проектил го соборил авионот.
Лидерот на Вагнер, Евгениј Пригожин и стана познат на светската јавност по улогата на неговата платеничка група во војната во Украина.
Пронајдете не на следниве мрежи:
