Продажбата започнала кон крајот на минатата недела и продолжило до вчера, според пријавата за хартии од вредност. Безос продал вкупно 14.006.906 акции на компанијата за околу 2,37 милијарди долари, според пријавата, објави Си-Ен-Би-Си.

Продажбата е направена во согласност со однапред договорениот план за тргување што Безос го усвоил во ноември и го објавил претходно овој месец, во кој се вели дека би можел да продаде до 50 милиони акции на Amazon пред 31 јануари 2025 година.

Безос минатата недела продаде околу 12 милиони акции на Амазон, во вредност од околу 2,03 милијарди долари, покрај уште една транша од 12 милиони акции само неколку дена претходно. Недела пред тоа продаде уште 12 милиони акции.

Безос минатата година подари акции на Амазон во вредност од околу 240 милиони долари.

Продажбата на акциите на Безос се забрзала откако тој објави во ноември минатата година дека ќе го напушти Сиетл и ќе се пресели во Мајами, што ќе му овозможи да биде поблиску до свршеницата Лорен Санчез и неговите родители, како и со операциите на Blue Origin.