Вкусен оброк кој ќе го правите постојано!
СОСТОЈКИ:
300 гр грашок
100 гр шунка Пекабеско сечкана на кругови
2 јајца
50 гр маргарин
100 гр сирење
1 главица кромид
50 гр брашно
50 гр презла
300 мл млеко
1 мускатно оревче
масло
сол
мелен црн бибер
НАЧИН НА ПОДГОТОВКА:
Во тава со растопен маргарин испржете ситно сечкан кромид. Кога ќе омекне, додајте сечкана шунка, посолете и побиберете. Додајте грашок, брашно и млеко. Одвојте ги белките од жолчките, а во садот со жолчки додајте ја содржината од тавата, изрендано сирење, изрендано мускатно оревче и измешајте.
Со миксер разматете ги белките, посолете, па соединете со претходно подготвената смеса.
Пропрскајте со масло и презла калап за куглоф, па нанесете ја смесата за кох. Печете 40 минути на 200 степени.
Печениот кох превртете го на тацна, пресечете и послужете со јогурт или кисело млеко.
Добар апетит!
