Пред појавата на модерната технологија, на располагање имавме само два основни извори на светлина – Сонцето и Месечината. Сонцето ни помогна да гледаме во текот на денот, а месечината нè заспиваше во текот на ноќта.
Модерните времиња не оддалечија од природата и се изложуваме на светлина дури и во текот на ноќта. Вештачката светлина може негативно да влијае на здравјето на целото тело, а истражувањата покажаа дека дури и благата вештачка светлина за време на спиењето може да го оштети мозокот.
Вештачката светлина го зголемува нивото на хормоните на стрес во текот на ноќта, а честото изложување на вештачка светлина за време на спиењето го зголемува ризикот од хронично воспаление, отпорност на инсулин и кардиоваскуларни болести. Спиењето со вештачка светлина може да предизвика несоница и да предизвика хормонален дисбаланс, пишува „Centar zdravlja“.
Мелатонин е хормон неопходен за релаксација и сон, а вештачката светлина го нарушува ослободувањето на мелатонин. Тоа е мелатонин кој го намалува крвниот притисок, гликозата и температурата на телото. Сепак, ослободувањето на мелатонин драстично се намалува во присуство на светлина.
Научниците открија дека луѓето кои спијат со вештачка светлина имаат 50% помалку мелатонин во нивните тела. Токму поради оваа причина тие препорачуваат спиење во свежа, проветрена и темна просторија.
Многу побрзо ќе заспиете ако лежите во темна просторија, а ќе го намалите и ризикот од рак, срцеви заболувања, дијабетес тип 2 и несоница. Покрај тоа, наутро ќе се разбудите поодморени ако спиете во целосен мрак отколку ако спиете со вештачка светлина.
Пронајдете не на следниве мрежи:
