Замрзнатата храна е попопуларна од кога било. Залихите се продаваат брзо во сите продавници, а некои се прашуваат дали направиле грешка ако посегнале кон замрзнати мешавини, мешунки, грашок или спанаќ.
Одговорот е не, бидејќи замрзнатиот зеленчук често се замрзнува веднаш по собирањето, што е клучно за задржување на витамините.
„Постојат докази дека замрзнатата храна е исто толку хранлива како и свежата затоа што процесот на брзо замрзнување зачувува клучни хранливи материи“, изјави нутриционистот Лорен Вудли.
Нејзината препорака е да се јаде замрзнато овошје и зеленчук, а таа нема ништо против замрзната риба, која смета дека е здрава колку и свежата.
Како што објаснува таа, свежиот зеленчук често доаѓа од далечни земји, што го прави помалку хранлив во споредба со замрзнатиот. Со други зборови, кога купувачите купуваат овошје и зеленчук во продавниците, тој често се бере пред неколку дена.
„Веднаш штом ќе се собере зеленчукот, нивото на некои хранливи материи почнува да се спушта. Ова е особено точно за витамин Ц, кој е чувствителен и игра важна улога во организмот, вклучително и одржување на здравјето на имунолошкиот систем“, вели Лорен, која смета дека замрзнувањето веднаш по собирањето е најдобриот метод за зачувување на хранливи материи.
„Важно е да се знае дека содржината на растителни влакна, протеини и минерали во замрзната храна е генерално иста како и кај свежо собраната храна, во некои случаи дури и поголема“, вели нутриционистот.
Што се случува со вашето тело кога јадете јагоди?
Ако забележите акни, гадење или проблеми со срцето,…
Ова се последиците со кои би можеле да се соочите…
Најголема загуба на хранливи материи се јавува при бланширање, што му претходи на замрзнување на зеленчук што може да се купи во продавниците.
Научниците кои проучуваат храна од Универзитетот во Калифорнија ја споредија хранливата вредност на свежите и замрзнатите производи. Тие ја мереа количината на хранливи материи во примероците на разни замрзнати овошја и зеленчук, вклучувајќи моркови и грашок.
Тие заклучиле дека замрзнатото е исто толку добро како и свежото, како што тврди Вудли.
Некои претпочитаат замрзната храна затоа што е поевтина, а продавачите се убедени дека нејзината популарност нема да се намали значително дури и по пандемискиот период.
