Женева е најскапиот град во светот и тоа не е големо изненадување, бидејќи овој швајцарски град има вкупен резултат на трошоците за живот од 101,7. Веднаш зад него е Цирих, кој го зазеде второто место со оценка од 100,4, што е особено високо кога станува збор за трошоците за купување намирници и ресторани. Њујорк е на трето место, Сан Франциско е четврти, а Бостон е петти.

Интернет-базата Нумбео го објавува Индексот на трошоците за живот на секои шест месеци, а оној за средината на 2024 година штотуку е објавен. Оценувајќи ги факторите како што се цената на намирниците, рестораните и локалната куповна моќ во низа градови, индексот ги зема сите податоци за да дојде до вкупен резултат за трошоците на животот, пишува Tајм аут.

Всушност, американските градови доминираат на листата, но вреди да се напомене дека овој индекс не ја зема предвид ни киријата. Кога ќе се земе предвид изнајмувањето на станови, рангирањето дава уште поголема слика во која доминираат САД.

Њујорк е всушност град кој се користи како контрола во индексот. Кога ќе се земе предвид киријата, Женева е на третото место со вкупно 81,5 бодови. Тоа значи дека, генерално, живеењето таму е за 18,5 отсто поевтино од живеењето во Њујорк, но некои фактори се поскапи. Инаку, 20 најскапи градови во светот во 2024 година се Женева, Цирих, Њујорк, Сан Франциско, Бостон, Рејкјавик, Вашингтон, Сиетл, Лос Анџелес, Чикаго, Сан Диего, Канбера, Лондон, Портланд, Осло, Тампа, Мајами, Сингапур, Денвер и Аделаида, објави Н1 Хрватска.