Долготрајната изложеност на загаден воздух придонесе за 29% од смртните случаи од COVID-19 во Чешка, 27% во Кина, 26% во Германија, 22% во Швајцарија, 21% во Белгија, 19% во Холандија, 18% во Франција и 15% во Италија, 14 проценти во Велика Британија, 12 проценти во Бразил, 11 проценти во Португалија, девет проценти во Шпанија, шест проценти во Израел, три проценти во Австралија и само еден процент во Нов Зеланд.
Истражувачите користеле претходни епидемиолошки податоци oд САДА и Кина за загадувањето на воздухот, за COVID-19 и за SARS од 2003 година, болест слична на КОВИД. Во нивните пресметки, тие ги комбинираа сателитските податоци за светската изложеност на PM2,5 честички и податоците од мрежи за следење на загадувањето на почвата.
Авторите на студијата не го утврдуваат односот помеѓу директната причина и последиците од тоа загадување на смртноста од COVID-19.
Се чини дека загадувачите ја зголемуваат активноста на еден рецептор наречен ACE-2, кој се наоѓа на површината на клетката и учествува во начинот на кој COVID-19 ги инфицира луѓето, велат истражувачите.
„Значи, имаме двоен удар – загадувањето на воздухот ги оштетува белите дробови и ја зголемува активноста на ACE-2, што доведува до подобра апсорпција на вирусот“, рече д-р Томас Минсел од Универзитетот Јоханес Гутенберг во Мајнц, соавтор на студијата.
Транзицијата кон зелена економија со чисти и обновливи извори на енергија ги поддржува истовремено и животната средина и јавното здравје, локално со подобрување на квалитетот на воздухот и на глобално ниво со ограничување на климатските промени, велат истражувачите.
Ана Хансел, професор по еколошка епидемиологија на Универзитетот во Лестер, рече дека е „многу веројатно“ дека има врска помеѓу загадувањето на воздухот и смртноста од COVID-19, но оцени дека е „премногу рано за да може прецизно да се измери“ тој однос.
Таа наведе низа други причини зошто сега треба да се преземе акција за намалување на загадувањето на воздухот, за кое Светската здравствена организација веќе проценува дека е одговорно за седум милиони смртни случаи годишно ширум светот.
