Не се сомневаме дека сте на добар пат да станете девојка од соништата, но секогаш е добро да се потсетите на важните правила кои треба да ги следите без оглед на околностите кои ве опкружуваат.
1. Бидете достоинствени
Бидете свесни колку вредите, колку сте креативни, надарени, ефикасни, грижливи, способни и немојте да прифаќате ништо помалку од она што личноста од вашиот калибар го заслужува.
2. Имајте свое ЈАС
Не допуштајте кој било само така да влијае на вашите идеи, ставови, желби, за кое било прашање.
3. Опкружете се со луѓето кои ве инспирираат
Избегнувајте луѓе поради кои од која било причина не се чувствувате добро и држете се до оние кои ве забавуваат, опуштаат и на кој било начин ве импресионираат. Благодарение на опкружувањето од таквите луѓе и самите ќе станете помотивирани, покреативни, позабавни и пошармантни, а со тоа и инспирација на другите.
4. Секогаш стојте зад вашето мислење
Со гордост бранете ги вашите ставови, без разлика дали е во прашање мислење за најновиот филм или дебата за некоја покомплексна и потешка тема. И нека вашите аргументи секогаш бидат наоружани со страст и самодоверба.
5. Научете да дадете, но и да ги прифатите работите
Имајте свое мислење, но слушнете го и разгледајте го советот од искусните личности, а со совет почестете го и секој што го почитувате. Објективната анализа на проблемот проследена со пријателски, добронамерен совет ќе ви ги отвори сите врати.
6. Секогаш проширувајте ги вашите интереси
Читајте, патувајте, испробувајте ново хоби, посетувајте изложби, театри, концерти, гледајте филмови… Заведувајте ги луѓето околу себе со вашата енергија, љубопитност и ширина на знаење.
7. Добро размислете што сакате и пронајдете начин како да го постигнете тоа
Организацијата и сложувањето ментални мапи во главата ќе воведе ред во вашиот живот, а постигнување на секоја цел ќе биде значително поедноставна.
8. Бидете одговорни
Нека вашите приоритети бидат внимателно испланирани, одмерени и со цел. И воопшто не откажувајте се од нив!
