Принцот Чарлс официјално стана крал на Велика Британија на церемонијата на крунисување одржана во саботата.
Со него, неговата сопруга Камила Паркер ја доби титулата кралица, како што е наведено по желба на самата Елизабета.
Покојната кралица во пресрет на одбележувањето на 70 години од владеење, рекла: „Кога мојот син Чарлс ќе стане крал, знам дека и нему и на неговата сопруга Камила ќе им ја дадете истата поддршка што ми ја дадовте мене, и мојата искрена желба е кога ќе дојде тоа време, Камила ќе биде позната како кралица-сопруга затоа што ја продолжува својата посветена служба.“
Сепак, помина долго време пред Елизабета да ја прифати сегашната сопруга на нејзиниот омилен син Чарлс.
Љубовта меѓу Камила и Чарлс трае веќе 50 години, уште пред да ја запознае Дијана. Камила измина долг пат од најпознатата љубовница, преку „грабливка на мажи“ до кралицата.
Се запознале во 1970 година на поло натпревар во Виндзор и влегле во врска која траела една година, а завршила кога Чарлс се приклучил на Кралската морнарица. Паркерова не го чекала, туку се омажила со офицерот Ендрју Паркер Боулс, додека принцот започнал врска со Дијана во 1980 година.
Камила со бившиот сопруг
Камила била дури и на неговата свадба, а познато е дека и двајцата претходната ноќ ја поминале на телефон во солзи.
Иако и двајцата беа во брак, тие се вплеткаа во романтична врска, а имаше приказни дека Чарлс ја носел нејзината долна облека со себе насекаде, која ја чувал во џебот како украсни марамчиња. Принцот ја признал аферата само две години по разводот од Дијана, кога Камила и нејзиниот сопруг Ендру се разведоа.
Стапиле во официјална врска и покрај противењето на кралицата, а таа не се ни појави на нивната венчавка. Елизабет 7 години подоцна и ја додели првата титула на Камила, а откако ја прослави 10-годишнината од бракот, Камила му се придружи на кралското семејство на балконот на Бакингемската палата.
Инаку, Камила има две деца со поранешниот сопруг, синот Том Паркер Боулс и ќерката Лора, чие презиме сега е Лупс.
И двајцата остануваат подалеку од очите на јавноста и ги водат своите животи подалеку од љубопитните очи, а кралското семејство никогаш не ги спомнува. Инаку, синот на Камила е ценет ресторански критичар и чест гостин на телевизија, но иако претходно протестираше поради вниманието на папараците, со текот на времето се навикна на тоа.
Од друга страна, Лора никогаш не ги прифатила, а приказните за романсата на нејзината мајка и биле далеку потешки отколку на Том.
По смртта на кралицата Елизабета, се случија многу промени во кралското семејство, а многумина се прашуваа како децата на Камила од првиот брак ќе бидат погодени од тоа што нивниот очув ќе стане крал, а нивната мајка ќе биде кралица, и дали и тие ќе добијат некои титули .
Одговорот е не. Се чини, дека животот на Том и Лора не се менува премногу бидејќи нема да добијат титули или улоги во кралското семејство. Имено, член на кралското семејство се станува со раѓање или со брак, трета опција нема.
Единствената промена што им се случи на Том и Лора е тоа што тие повеќе не се посинок и пасторка на принцот, туку кралот, и тоа е се. Тие двајца сè уште остануваат обични луѓе, а бидејќи никогаш не ја истакнале својата поврзаност со кралското семејство, веројатно, и така им одговара.
