Маслото е важна состојка во повеќето јадења што ги јадеме. Без разлика дали станува збор за салата, прелив, колачи или нешто трето, речиси во сè се додава масло.
Бидејќи ова е производ што го користиме често, препорачливо е да се користи масло кое има најмногу здравствени придобивки.
Постојат разни видови на масла, како што се сончогледово, кокосово, маслиново масло, од семки од грозје и разни други растителни масла. Но, најчесто користени се маслиновото и растителните масла.
Маслиново масло
Маслиновото масло се прави од цедени маслинки и почнало да се користи пред повеќе од 6.000 години. Денес се достапни три вида маслиново масло: екстра девствено маслиново масло, маслиново масло и маслиново масло со лесен вкус.
Растителните масла се добиваат со прочистување на растителни екстракти. Тие остануваат во течна форма на собна температура. Од многу растенија се произведува масло, а најчесто се вади од семето. Растителното масло може да се направи од една состојка или од мешавина на многу состојки. Постојат разни видови на растително масло како сончогледово, соино, палмино итн.
Маслиновото масло се користи за готвење, добро е за кожата, а може да се користи и за медицински цели. На пример, маслиновото масло може да се користи како лаксатив или при подготовка на некои лекови. Од друга страна, растителните масла се користат претежно за готвење.
Кое масло е поздраво?
И двата вида на масло содржат незаситени масни киселини, но маслиновото масло има поголем дел од мононезаситени масти. Растителното масло содржи главно омега-6 полинезаситени масти. Откриено е дека мононезаситените масти имаат антиинфламаторни и здравствени придобивки за срцето, додека омега-6 полинезаситените масти можат да делуваат провоспалително и можат да му наштетат на срцето доколку се консумираат прекумерно.
Екстра девственото маслиново масло е најмалку обработениот вид маслиново масло и е богато со антиоксиданти. Од друга страна, процесот на рафинирање што се користи за производство на растително масло ги уништува микроелементите, антиоксидансите и корисни растителни соединенија.
Екстра девственото маслиново масло е едно од најмалку обработените масла за готвење, што значи дека задржува најмногу антиоксиданси, витамини и минерали. Растителното масло се преработува многу повеќе, што значи дека има минимални корисни хранливи материи и повеќе калории.
