Во интервју за порталот “Република”, Христијан Мицкоски открива дека на следните парламентарни избори нема да биде “шпицен кандидат за премиер”, туку ќе биде носител на листата на ВМРО-ДПМНЕ во првата изборна единица.

– Јас роден во Скопје, тука сум израснат, живеам во општина Карпош која е дел од изборна единица еден и логично е тоа да биде единицата во која што ќе ја предводам листата на ВМРО-ДПМНЕ, вели Мицкоски.

Мицкоски вака не логицираше на претходните парламентарни избори кога беше убеден дека ќе биде премиер, па на билбордите и партиските плакати се појавуваше како “шпицен” кандидат за премиер, додека други членови на партијата беа носители на листи во изборните единици.

На претходните парламентарни избори ВМРО-ДПМНЕ и коалицијата добија 315.344 гласови, што резултираше со 44 мандати, односно два пратеника помалку од колаицијата на СДСМ која тогаш освои 46 мандати.

Засега датумот за изборите е непознат, барем за јавноста, но се шпекулираат неколку можни варијанти во април и мај. Власта не отстапува од ставот дека претседателските избори треба да бидат одвоени од парламентарните избори.