Руската платеничка група „Вагнер“ подготвувала државен удар во Молдавија, изјави шефицата на молдавската држава Маја Санду во интервју за „Фајненшл тајмс“.
Според неа, планот вклучувал поткуп на гласачи и предизвикување насилство за време на антивладини протести.
– Ситуацијата е навистина драматична и мораме да се браниме, наведе Санду, без да прецизира кога бил планиран обидот за државен удар.
Санду посочи дека парите биле тајно испратени од Русија до Молдавија делумно преку курири, а делумно преку банкарски сметки во Дубаи.
На почетокот на годината имаше предупредувања за државен удар во Молдавија. Во март, владата во Кишињев соопшти дека уапсила платеник на „Вагнер“.
- Меланија Трамп во центарот на вниманието на модните куќи: „Ја избегнуваа, сега сакаат да ја облекуваат“
- Трамп за пожарите го обвини гувернерот на Калифорнија и го повика да поднесе оставка
- Маск испитува како да го смени Стармер од премиерската функција во ОК пред следните избори
- Дуда бара гаранции дека Нетанјаху нема да биде уапсен доколку го посети Аушвиц
- Помошта за Украина на агендата на новата средба во Рамштајн
Платеничката група „Вагнер“ долго време се бореше заедно со руската армија во Украина. Поранешниот сопственик на „Вагнер“, Евгениј Пригожин, подоцна го критикуваше руското воено раководство и во јуни организираше обид за бунт против руските власти, но истиот ден се откажа од своите планови. Два месеци подоцна, авионот на Пригожин се урна за време на летот Москва – Санкт Петербург под неразјаснети околности.
Пронајдете не на следниве мрежи:
