Поинаков десерт – вистинско задоволство за непцата.
Потребни состојки:
150 г млечно чоколадо
250 мл слатка павлака
1 лажица мелено чили
Малку мелен ѓумбир
2 белки
30 г сечкани бадеми
Начин на подготовка:
Одвојте 50 г од слатката павлака, загрејте ја и додајте чили и ѓумбир, па оставете да зоврие. Тргнете ја на страна за да се излади.
Растопете го чоколадото на пареа, а потоа тргнете го на страна за да се излади. Изматете ги белките со миксер во цврст снег. Остатокот изматете го во шлаг, па додајте го во слатката павлака со зачини и растопено чоколадо. Потоа лесно промешајте ги белките. Распоредете го мусот во чинии за сервирање и ставете ги во замрзнувач за да се стегнат. Пред сервирање декорирајте со сечкани бадеми.
