Минатата недела Светската здравствена организација изрази загриженост поради алармантното ширење на сојот на грипот Х5Н1 кој предизвикува милиони случаи на птичји грип ширум светот.
Според водечките научници, грипот е патогенот кој најверојатно ќе предизвика нова пандемија во блиска иднина.
Меѓународната анкета, што ќе биде објавена следниот викенд, ќе открие дека 57 отсто од епидемиолозите веруваат дека сој на вирусот на грип ќе биде причина за следната глобална епидемија на смртоносната заразна болест, објави Гардијан.
„Грип се јавува секоја зима. Овие епидемии можеме да ги опишеме како мали пандемии. Тие се повеќе или помалку контролирани бидејќи различните соеви кои ги предизвикуваат не се доволно вирулентни, но тоа нема да мора да биде случај засекогаш“, предупреди Џон Салмантон-Гарсија, научник од Универзитетот во Келн.
Минатата недела Светската здравствена организација изрази загриженост поради алармантното ширење на сојот на грипот Х5Н1 кој предизвикува милиони случаи на птичји грип ширум светот, потсетува Гардијан.Оваа епидемија започна во 2020 година и доведе до смрт или убивање на десетици милиони живина, исто така уништи милиони диви птици, а неодамна овој вид се појави и кај цицачите, што може да претставува закана за здравјето на луѓето.
Пронајдете не на следниве мрежи:
