Ако не знаете што да подготвите за ужинка, имаме одличен предлог
Нутриционистите велат дека закуските се многу важни и дека треба да имаме вкупно две од нив во текот на денот. Тие треба да бидат лесни, но и богати со витамини и хранливи материи кои ќе спречат напади на глад и ќе ни создадат чувство на ситост. Најдоброто решение, во овој случај, е смути.
Брзо се подготвува, ги содржи сите потребни состојки и може да го носите и на работа. Најдовме рецепт за многу вкусно смути што ќе ја задоволи вашата дневна потреба за слатки и ќе ви обезбеди доволна доза на енергија.
Јогуртот и млекото ја задоволуваат дневната потреба за калциум, а спанаќот за витамин Б, додека бананите ќе ни обезбедат доволно количество магнезиум.
Ќе ви требаат следниве состојки:
Половина чаша јогурт (погуст јогурт е подобар избор)
Половина замрзната банана
Една четвртина од авокадо
Половина чаша спанаќ
Половина чаша соја млеко (чоколадо или ванила)
Малку сурови бадеми
Половина чаша вода
Подготовка: Ставете ги сите состојки во блендер и мешајте додека не добиете хомогена смеса. Доколку сакате, можете да изрендате и црно чоколадо.
