Јајцата Бенедикт се американски фаворит за појадок и бранч, а истите можете да ги припремите во вашиот дом со многу малку напор.
Највкусната варијанта на јајца со пржена шунка и сос можете да ја послужите со компири и салата и од неа да направите комплетен оброк…
Потребни состојки:
Состојки за холандез сос:
– 3 жолчки
– 9 лажици путер
– прстофат сол и бибер
– 1 лажица свежо исцеден сок од лимон
За поширање:
– 2 јајца
– 2 лажички алкохолен оцет
– малку сол
– вода
За остатокот од јадењето:
– 2 парчиња шунка
– пециво
Подготовка на сос:
На тивок оган, во тава стопете го путерот – можете да ја користите и микробрановата печка. Во блендер или со рачен миксер измиксирајте ги жолчките, сокот од лимон, солта и биберот, со бавно додавање на стопениот путер.
Подготовка на поширани јајца:
Загрејте ја водата во тенџере на тивок до умерен оган. Додајте оцет и малку сол во неа и почнете да мешате со лажица додека не се создаде мал вртлог во водата во средината на тенџерето. Ставете го јајцето во тој вртлог (кое претходно сте го скршиле и ставиле во помал сад за полесно ракување) и гответе отприлика 2 минути.
Послужување на јадењето:
На тостирано пециво ставете парче пржена шунка и пошираното јајце, па сè заедно полијте го со холандез сосот. Пријатно јадење!
