Многу брз колач кој се пригутвува за половина час. Покрај тоа, многу е вкусен и здрав.
Потребни состојки:
150 г шеќер
80 г брашно
150 г мед
200 г суви смокви
100 г печени лешници
125 г бланширани бадеми
100 г посно црно чоколадо
рендана кора од портокал
шеќер во прав за наросување
по прстофат: ѓумбир, мускатно оревче и цимет
посен маргарин
Постапка:
Мал плех или калап обложете го со хартија и премачкајте со посен маргарин
Во еден сад ставете брашно, додадете ги зачините, цели лешници и бадеми, издробено ситно чоколадо, рендана кора од портокал, сечкани смокви.
Добро промешајте за да се изедначат состојките.
На умерена температура загрејте го медот и додадете го шеќерот. Варете пет минути, без мешање.
Добиениот карамел излејте го врз приготвената смеса, брзо промешајте додека не се стегнало.
Смесата излејте ја во калапот, израмнете со намастена лажица и ставете во загреана рерна на 150 степени, околу половина час.
Печениот колач изладете го, наросете со шеќер во прав, завиткајте го во пластична фолија и изладете го во фрижидер.
